Бўстонлиқда браконер Қизил китобга киритилган тоғ эчкисини ўлдирди

4 ноябрь куни Тошкент вилоятида ов қилиш учун рухсатномасиз ўз қуроли билан ноёб тоғ эчкисини отган шахс қўлга олинди.

Ҳуқуқбузар – Бўстонлиқ туманида яшовчи фуқаро бўлиб, у табиатга 16 миллион 875 минг сўм миқдорида зарар етказган, деб хабар беради вилоят Экология бошқармаси матбуот хизмати.

Экология инспекторлари томонидан Маъмурий жавобгарлик тўғрисидаги кодекснинг 90-моддаси 3-қисми (ов ва балиқ овлаш қоидаларини, шунингдек ҳайвонот дунёсидан фойдаланиш қоидаларини бузиш) билан баённома тузилди. Иш судга юборилган, қурол туман ИИБга топширилган. Эркак катта миқдорда жаримага тортилади.