Байден Украинага ёрдам берадиган асосий муаммо келаси ҳафтадаёқ ҳал бўлишига умид қилмоқда

АҚШ президенти Жо Байден келаси ҳафтада Украинага ёрдам бериш йўлидаги асосий масалалардан бири бўлган АҚШ-Мексика чегараси бўйича Сенат келишувига эришишга умид қилаётганини айтди. Reuters агентлигига кўра, Байден «катта ўзгаришларга» тайёр эканлигини айтди.

«Ўйлайманки, биз келгуси ҳафта, ҳеч бўлмаганда Сенатда бирор нарсага эриша оламиз ва умид қиламанки, бу икки партиявий пакет бўлади», деди Байден. «Энди Вакиллар палатасида спикер ва республикачилар учун савол, улар худди шундай ҳаракат қилишга тайёрми?»

Газетанинг ёзишича, Вакиллар палатасида айрим республикачилар спикер Майк Жонсон чегара хавфсизлиги тўғрисидаги келишувни Украинага ёрдам кўрсатишни ҳам ўз ичига олувчи пакетнинг бир қисми сифатида кўриб чиқса, уни лавозимидан четлатишга ҳаракат қилиш билан таҳдид қилмоқда.

Шу билан бирга, Байден иммиграция сиёсатида ўзгаришлар зарурлигини тан олди.

«Мен бу муаммони ҳал қилишга тайёрман, мен ҳақиқатан ҳам – катта ўзгаришлар ва буни чин дилдан айтмоқчиман», деди у. «Менимча, биз чегарадаги сиёсатда жиддий ўзгаришларга муҳтожмиз, шу жумладан бошпана тизимидаги ўзгаришлар.»

Оқ уй матбуот котиби Карине Жан-Пьер аввалроқ журналистларга республикачи ва демократ сенаторлар билан музокаралар самарали ва далда берувчи бўлганини айтган, бироқ тафсилотларни маълум қилишдан бош тортган.

CNN аввалроқ Ғарб разведкаси Украинадаги уруш яна камида икки йил давом этишига ишонаётгани ҳақида хабар берган эди.