BBC: Россия март ойидан бери Шимолий Кореяга миллион баррел нефт етказиб берди

2024 йилнинг март ойидан бери Россия КХДРга миллион баррелдан ортиқ нефт етказиб берди, деб ёзади BBC Неwс Британиянинг ушбу даврдаги сунъий йўлдош суратларини таҳлил қилган Опен Соурcе Cентер тадқиқот марказига таяниб.

Очиқ манбалар маркази томонидан сунъий йўлдош тасвирлари таҳлили шуни кўрсатадики, сўнгги саккиз ой ичида Шимолий Кореянинг ўндан ортиқ танкерлари Узоқ Шарқдаги Россия нефт терминали ва уларнинг портлари ўртасида 43 марта саёҳат қилган. Денгиздаги танкерларнинг суратларида улар Россияга бўш бўлиб, юкланган ҳолда қайтиб келганликларини кўриш мумкин.

Марказ томонидан ҳужжатлаштирилган биринчи парвоз 2024 йилнинг 7 мартида, Шимолий Кореянинг Россияга ўқ-дори етказиб бергани ҳақидаги илк хабарлардан етти ой ўтиб амалга оширилган. Охиргиси – 5 ноябрь.

“Бу доимий нефт оқими Шимолий Кореяга санкциялар жорий этилганидан бери кузатилмаган барқарорлик даражасини бермоқда”, деди Очиқ манбалар марказининг катта таҳлилчиси Жо Бёрн.

Шимолий Корея ядровий дастури туфайли БМТ санкциялари остида ва йилига 500 минг баррелдан ортиқ нефт сотиб олиши тақиқланган.

Очиқ манбалар марказининг таъкидлашича, бир миллион баррел минимал ҳисоб, чунки улар булутлар туфайли баъзи рейсларни кузата олмаган. «Август ойида ҳаво булутли эди, шунинг учун биз ҳеч қандай рейсларни ҳужжатлаштира олмадик», деб тушунтиради Жо Бёрн. Россия Ташқи ишлар вазирлиги бу маълумотга изоҳ бермади.