Белгород областининг Козинка қишлоғида диверсантлар билан жанглар кетмоқда

Белгород областининг Козинка қишлоғида диверсион-разведка гуруҳлари (“ДРГ”) билан жанговар тўқнашувлар бўлиб ўтмоқда, дея хабар беради ASTRA нашри ҳарбий телеграм каналларига ва «Ридовка» нашрига таянган ҳолда. Қайд этилишича, Украина Қуролли кучлари ҳарбий хизматчилари Козинкага вертолётда етказилган.

Шу билан бирга, “Свобода России” легиони Курск ва Белгород областларининг фронт зоналаридан тинч аҳолини эвакуация қилиш учун ҳарбий ҳаракатларни вақтинча тўхтатганини эълон қилди. Легион маълумотларига кўра, гуманитар йўлак 14 март соат 21:00 дан 15 март 07:00 гача очиқ бўлади. Бу муддат тугагандан сўнг, «Легион» ўз телеграм-каналидаги харитада кўрсатилган аҳоли пунктларидаги рус ҳарбийларининг позицияларига оммавий ҳужум уюштиришни режалаштирмоқда.