«Биз бормиз! Биз кўпчиликмиз!» Екатерина Дунцова сиёсий партияни ташкил қилиши ҳақида эълон қилди

Екатерина Дунцова 2024 йил март ойида янги сиёсий партиянинг таъсис қурултойини ўтказишни ва июнь ойида Россияда бўлиб ўтадиган барча сентябрь сайловларига номзодларни кўрсатишни режалаштирмоқда.

Бу ҳақда Екатерина Дунцованинг телеграм-каналида хабар эълон қилинди. Унинг таъкидлашича, бу «Дунцованинг партияси» эмас, балки «тинчлик, эркинлик ва демократия тарафдори бўлган барчанинг партияси».

“Россияликларнинг аксарияти тинч демократик келажакни ва оддий ақл-идрокни хоҳлайди. Биз ўн миллионлаб одамлармиз, лекин бирорта ҳам сиёсий партия бизга вакиллик қилмади ёки бизга вакиллик қилишни хоҳламади. Ўзимиз партия тузиб, ўзгаришларга интилишдан бошқа йўлимиз йўқ”.

Дунцова, шунингдек, Борис Надеждинни қўллаб-қувватлаб, сиёсатчини президентликка номзод қилиб кўрсатиш учун имзо тўплашда ёрдам беришга чақирди.

Аввалроқ Россия Марказий сайлов комиссияси Дунцованинг 2024 йилги президентлик сайловларида иштирок этишига рухсат бермаган эди.