Болаларга иккинчи қават баландлигидан дарсликларни отган ўқитувчи ишдан бўшатилди

Самарқанд вилояти Нуробод туманида ўқув йилининг биринчи кунида болаларга баландликдан китоб улоқтирган 1-сонли мактаб ўқитувчиси Ғаффорова Шоҳида ҳамда мактаб директори Э.Ҳамроев ишдан бўшатилди. Воқеа акс этган видеони Daryo.uz нашри эълон қилди.

Видеода иккинчи қават даражасидаги зинапояда турган ўқитувчи болаларга дарслик ва иш дафтарлари тўпламини қандай улоқтираётгани кўрсатилган. Улар ерга сочилиб ётибди, бола эса уларни йиғиб олиши керак. Кейин у дарсликларни бошқа ўқувчига ташлаган. Буни кузатиб турган бир аёл: “Агар ўқитувчида, ўқитувчида (!) шундай муносабат бўлса, болаларимизга нима бўлади?”, – деган.

Туман ҳокимлигининг хабарида айтилишича, воқеани ўрганиш учун халқ таълими бўлимида ишчи гуруҳ тузилган. У 4-синфнинг синф раҳбари Шоҳида Ғаффорова ўқувчилар орасида дарслик ва ўқув дафтарларини “қўпол тарзда, ўқитувчининг одоб-ахлоқ қоидаларини бузган ҳолда” тарқатганини аниқлади.

Ўқитувчи билан тузилган меҳнат шартномаси бекор қилинди. Шунингдек, мактаб директори Э.Ҳамраев дарсликларни тарқатиш жараёнига масъулиятсизлиги, назоратни ўрнатмагани учун эгаллаб турган лавозимидан озод этилди.