Бош прокуратура: Лифт қулаган бинода истиқомат қилувчи аҳоли юк ташиладиган лифтдан фойдаланган

Тошкентнинг Янгиҳаёт туманида якшанба куни лифт қулаган 16 қаватли бинода икки йўловчи лифти ишдан чиққани учун аҳоли юк лифтидан фойдаланган. Бу ҳақда «Газета» нашри Ўзбекистон Бош прокуратураси матбуот хизматига таянган ҳолда ёзади.

13 кишини олиб кетаётган “Янги Дархон” маҳалласидаги 17-уйда қулаб тушган. Бу уй Land House компанияси томонидан қурилган. Қурилиш 2022 йил март ойида бошланган, уй май ойида фойдаланишга топширилган. Унда учта лифт, шу жумладан битта юк лифти мавжуд.

Бош прокуратура хабарида айтилишича, 1 тоннага мўлжалланган лифт ҳаддан ташқари юкланган. Маълум қилинишича, унга 16-қаватда 13 киши кирган, 10-қаватдан лифт тезлаша бошлаган, 1-қаватда техник сабабларга кўра лифт бошқаруви ўчган.

Лифтдагиларнинг барчаси Республика шошилинч тиббий ёрдам илмий марказининг травматология бўлимига ётқизилган. 6 нафар беморда оёқ синиши аниқланган, қолган 7 нафар беморнинг соғлиғи қониқарли бўлгани боис касалхонадан чиқарилган.

Жабрланганлар орасида уч аёл ва икки ака-ука бола бор – бири 7 ёшда, иккинчиси 2 ёшга тўлмаган.

Ҳозирда ҳодиса юзасидан терговгача текширув олиб борилмоқда.