Бухородаги Санъат мактабида Шавкат Мирзиёевнинг “Маданият ва санъат ривожланмас экан, жамият ҳам ривожланмайди” сўзлари олиб ташланди
![](https://anhor.uz/wp-content/uploads/2024/02/orig-scaled.jpg)
Бухорода аҳоли яхши кўрадиган санъат мактаби бузилмоқда. Педагоглар ижодий жамоаси ва болалар совет даврида қурилган эски, эҳтимол хавфли собиқ ётоқхона биносига кўчирилган. Энди болалар санъатга ҳеч қандай алоқаси бўлмаган вайронага айланган бинода санъат йўналишида таҳсил олади, деб ёзади «Потребитель Бухара» телеграм канали.
“Мен Бухородаги бузилишлар муҳокамасини кузатиб боряпман. Эътиборимни тортган нарса шу бўлдики, бузишлар, бошқалари билан бир қаторда, шаҳар ичидаги канализация тизимларини қуришни молиялаштириш учун ҳам зарур эмиш. Бу ундай эмас. Канализация, тозалаш иншоотлари, шаҳар бўйлаб қувурлар учун, сув учун – буларнинг барчаси учун мамлакат Жаҳон банкидан, Осиё инфратузилма инвестиция банкидан (1, 2-босқич) ва ҳоказолардан кўплаб кредитлар олган. Бу суверен кредит, бу қарз ва у давлат бюджетидан тўланиши керак.
Шу боис, инсоф-адолат учун, Бухоро шаҳридаги мактаб, стадион, мусиқа мактаби, ҳокимлик, дарахтлар ва ҳоказоларни нега бузиш зарурлигини канализация билан тушунтириб, турли молия манбаларини аралаштириб, фуқароларни чалғитмаслигингизни сўрайман”, – деб ёзади Азиза Умарова.
“Буни бутун дунё кўриши керак: олигархлар бухороликларнинг суюкли санъат мактабини бузишга киришиб, 200 нафар ўқитувчи ва 400 нафар ўқувчини ахлатхонага ташлаган.
Ўқитувчилар ва ота-оналарнинг хабар беришича, мактаб собиқ “ХБК”нинг эскирган ва хавфли ётоқхонаси биносига кўчирилган. Улар бинолар ичида ёқимсиз ҳид борлигини ёзишмоқда. Ҳеч қандай шарт-шароит йўқ: мусиқа, рақс учун махсус хоналар, ўқув хоналари, мажлислар зали йўқ. Мусиқа асбоблари ёмғир остида бир неча кун ташқарида қолган”, – деб ёзади блогер Никита Макаренко.
If you have found a spelling error, please, notify us by selecting that text and pressing Ctrl+Enter.
Шарҳлар