Банк молиявий маслаҳатчиси пора билан қўлга тушди
![](https://anhor.uz/wp-content/uploads/2024/05/393d518347f015f0fc330-1-scaled.jpg)
Самарқандда банк хизматлари маркази ходими ипотека кредити олишда ёрдам бериш учун пора талаб қилди, деб хабар бермоқда Давлат хавфсизлик хизмати вилоят бошқармаси.
“Ипотека-банк” хусусий тижорат банкининг “Сўғдиёна” банк хизматлари марказида 36 ёшли молиявий маслаҳатчи мижозга 700 миллион сўм кредит олишда ёрдам беришини ваъда қилган. Бунинг учун у 20 миллион сўм ва 100 АҚШ доллари талаб қилган.
Ҳуқуқ-тартибот идоралари ходимлари гумонланувчини пора олаётган вақтида жиноят устида ушлаган. Ҳозирда мазкур ҳолат юзасидан Жиноят кодексининг тегишли моддалари билан жиноят иши қўзғатилган ва тергов ҳаракатлари олиб борилмоқда.
If you have found a spelling error, please, notify us by selecting that text and pressing Ctrl+Enter.
Шарҳлар