ДИИҲБ Ўзбекистондаги сайловларни кузатиш бўйича ўз миссиясини очмоқда

ЕХҲТнинг Демократик Институтлар ва инсон ҳуқуқлари бўйича бюроси (ДИИҲБ) Ўзбекистон Республикаси ҳукуматининг расмий таклифига биноан, 9 июль куни бўлиб ўтадиган муддатидан илгари президент сайловларини кузатиш бўйича миссиясини очди.

Ташкилот матбуот хизматининг хабар беришича, миссияни элчи Урсула Гачек бошқаради. Миссия Тошкентда жойлашган асосий жамоадан иборат 11 та халқаро эксперт ва 14 июндан бошлаб бутун мамлакат бўйлаб жойлаштириладиган 24 та узоқ муддатли кузатувчини ўз ичига олади.

ДИИҲБ, шунингдек, ЕХҲТга аъзо давлатлардан сайлов кунидан бир неча кун олдин келадиган 250 та қисқа муддатли кузатувчини юборишни сўрамоқчи.

Миссия сайловларни ЙХҲТ мажбуриятлари ва демократик сайловлар учун бошқа халқаро мажбуриятлар ва стандартларга, шунингдек миллий қонунчиликка мувофиқлигини баҳолайди

Бутун сайлов жараёнини баҳолаш ва тавсиялар билан якуний ҳисобот сайловдан бир неча ой ўтгач эълон қилинади.