Диёра Келдиёрова Олимпиададаги кимоносини Лозанна музейига берди
Париж-2024 ёзги Олимпия ўйинлари чемпиони, дзюдочи Диёра Келдиёрова мусобақада курашган кимоносини Халқаро Олимпия қўмитасининг музейига совға қилди. Ўйинларнинг Асосий матбуот марказида ушбу тадбирга бағишланган анжуман ўтказилди.
Унда Ўзбекистон Республикаси Спорт вазири Адҳам Икрамов, МОҚ Бош котиби Ойбек Касимов, шунингдек, Халқаро Олимпия қўмитаси (ХОҚ) ва Халқаро дзюдо федерацияси мутасаддилари қатнашишди.
Келдиёрова ёзги Олимпия ўйинларида олтин медалга сазовор бўлган илк ўзбек аёл спортчисига айланди. Расмийлар мазкур натижа ортида давлат ва Президентнинг соҳага қаратаётган улкан эътибори тургани, хотин-қизлар спортининг ривожи янги босқичга чиқаётгани хусусида тўхталишди. Ўз навбатида, Диёра ҳам тарихий чемпионликка эришганидан мамнунлиги, кимониси ХОҚ музейидан жой олаётгани у учун шараф эканини қўшимча қилди.
Тадбир якунида ташкилотчилар ҳам Келдиёровага ўзига хос совға тайёрлашди. Диёранинг дзюдо оламидаги кумири, икки карра Олимпиада чемпиони, франциялик Кларисс Агбенену Диёрани тарихий ғалаба билан қутлаб, унга ўзининг илиқ тилакларини йўллади.
If you have found a spelling error, please, notify us by selecting that text and pressing Ctrl+Enter.
Тавсиялар
Франция Украинага Россия ҳудудига SCALP ракеталари билан зарба беришга рухсат берганини тасдиқлади
Reuters: Украина Курск областида УҚК назорат қилган ҳудуднинг 40% дан ортиғини йўқотди
Украина Энергетика вазирлиги: Жорий ҳафтада ҳужумлар сабабли ЗАЭС икки марта “блэкаут” чегарасида қолди
АҚШ армиясининг собиқ офицери ва Россия тарғиботчиси Скотт Бенетт вафот этди
ДХХ раиси ўзгарди
USD
EUR
RUB
Шарҳлар