Тошкентнинг айрим ҳудудларида электр таъминоти вақтинча ўчирилди

Истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатлар олдини олиш ҳамда мавжуд электр қурилмаларида таъмирлаш ишларини олиб бориш мақсадида бугун, 1 август куни Тошкентнинг айрим ҳудудларида электр таъминоти вақтинча ўчирилди. Бу ҳақда “Тошкент шаҳар электр тармоқлари” МЧЖ Ахборот хизмати хабар берди.

Хусусан, қуйидаги ҳудудларда электр таъминоти бўлмайди:

• Миробод тумани: “Саракул” МФЙнинг айрим ҳудудларида бугун соат 10:00 дан 17:00 гача;
• Чилонзор тумани: 8-мавзе ва “Дўмбиробод” МФЙларининг айрим ҳудудларида бугун соат 09:30 дан 18:00 гача.

Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлиги билдириб ўтилди.