Энг намунали маҳаллага Президент совғаси сифатида электромобиль топширилади

Йиғилишда Президент яна бир муҳим масалага тўхталиб ўтди. Унда табиат уйғонган бугунги кунларда ҳамма жойларда мевали ва манзарали дарахтлар, гул, райҳон кўчатлари экиш жадал кетаётганилиги таъкидланди.

Тошкент шаҳридаги 585 та маҳаллада ҳам дарахт ва гуллар экиш, ҳудудни ободонлаштириш, шароити оғир оилалар, ёлғиз қариялар, имконияти чекланган одамларни ҳолидан хабар олиб, уларни кўнглини кўтариш муҳимлиги қайд этилди.

Шу маънода, давлат раҳбари маҳаллалар ўртасида танлов ўтказиб, йил якуни билан энг намунали маҳаллага Президент совғаси сифатида электромобиль совға қилиш ташаббусини билдирди.

Йиғилиш давомида муҳокама қилинган масалалар юзасидан мутасаддиларнинг ахбороти, жамоатчилик вакилларининг фикр ва таклифлари ҳам тингланди.