Энди автотранспортларни нотариусга бормасдан сотиш мумкин бўлади

Сотувчиларга автомототранспорт воситаларини нотариал идорага бормаган ҳолда сотиши имконияти яратилди. Бу ҳақда Адлия вазирлиги матбуот хизмати Севара Уринбайева ҳабар берди. Жараён қуйидаги тартибда амалга оширилади:

• Сотувчи E-notarius.uz  ахборот порталида «Нотариал ҳаракатни расмийлаштириш»ни танлаб, ўзининг шахсига оид маълумотларни киритади ҳамда нотариал ҳаракатни яратади;
• Сотмоқчи бўлган шахс сотилаётган автомототранспорт воситасини танлаб, автомобиль нархини, харидорнинг ЖШШИРни, шахсини тасдиқловчи ҳужжат серия рақамини ва телефон рақамини киритади;
• Сотиб олувчининг телефонига СМС хабарнома юборилади ҳамда у ҳаволага кириб Face-Id орқали верификациядан ўтиб, розилигини тасдиқлайди;
• Автоматик тарзда ёки ихтиёрий нотариус танланганда сўнг нотариус нотариал ҳаракатни расмийлаштиришга қабул қилиб, вақтни белгилайди ва  тарафларнинг мобил телефонига СМС хабарнома юборилади;
• Нотариус тарафлар белгиланган вақтда видеоконференцалоқа орқали нотариал ҳаракатни расмийлаштиради ҳамда битимнинг асл нусхалари тарафларга курьерлик, почта хизмати орқали юборилади.