Фарғонада дарахтларнинг кесилишига қарши чиққан аёл олган тан жароҳатидан вафот этди

14 февраль куни Фарғона шаҳридаги “Шоирахон С” фермер хўжалигида Ш.O. дарахтларни кесмоқчи бўлган ернинг собиқ эгаси Ё.У. билан келиша олмай, унга  қаршилик кўрсатган.

Ё.У. баҳс чоғида Ш.O.нинг бошига бир неча марта тош билан уриб, унга оғир тан жароҳатини етказган.

Аёл касалхонага ётқизилган, бироқ кўрсатилган ёрдамга қарамай, у вафот этган.

Мазкур ҳолат юзасидан Жиноят кодексининг 97-моддаси 1-қисми (қасддан одам ўлдириш) билан жиноят иши қўзғатилган. Ҳозирда гумондор қўлга олиниб, тергов ҳаракатлари олиб борилмоқда.