Фирибгарларни чалғитувчи “кампир” овозидаги сунъий интеллектни ишга туширилди

Телефон соҳасида етакчи О2 компанияси фирибгарларни узоқ суҳбатларда ушлаб турадиган ва ҳақиқий одамларни фирибгарликдан ҳимоя қилишга ёрдам берадиган янги сунъий интеллект воситасини ишлаб чиқди. Ушбу восита “Сwерве тҳе Сcаммерс” кампанияси доирасида яратилган ва “Даисй” деб номланган.

Даисй сунъий интеллекти фирибгарларни чалғитиш учун кекса бувижон овозида гапиради. Ушбу овоз фирибгарларнинг одатда ёши улуғ одамларни нишонга олишга мойиллигига асосланган. Даисй фирибгарларни турли мавзулар бўйича чалкаш ҳикоялар ва сохта маълумотлар билан банд қилиб, улар билан 40 дақиқагача гаплашиши мумкин.

У фирибгарларни ҳақиқий одам билан гаплашаётгандек чалғитиб, уларни ёлғон банк маълумотлари ва бошқа сохта маълумотлар билан алдаб, ҳақиқий қурбонларга зарар етказилишининг олдини олади. Шу билан бирга, у фирибгарлар қўллайдиган усулларни фош этиб, О2 компаниясига мижозларини фирибгарликдан яхшироқ ҳимоя қилиш имконини беради.

Виргин Медиа О2 компаниясининг фирибгарликка қарши кураш бўлими раҳбари юррей МакКензи шундай деди:

«Биз фирибгарларни тўхтатишда етакчи ролни ўз зиммамизга олганмиз. Фирибгар матнларни блоклаш учун хавфсизлик девори технологияларидан фойдаланамиз, спам қўнғироқларни аниқлаш учун эса сунъий интеллектдан фойдаланамиз. Даисй бизнинг янги қуролимиз бўлиб, фирибгарларни ўз усуллари билан мағлуб этади.»

МакКензи Даисйънинг нафақат фирибгарларни чалғитишга, балки мижозларни телефонда ишончни суиистеъмол қиладиган одамлардан эҳтиёт бўлишга ундашини таъкидлади.