ФНҚИЗдан ноқонуний бўшатилган ҳодимига салкам 20 млн сўм маънавий зарар ундирилди
«Мурожаатчининг ёзишича, у “Фарғона нефтни қайта ишлаш заводи” МЧЖда етакчи мутахассис лавозимида ишлаб келган. Фуқаро В.А. билан тузилган меҳнат шартномаси 2023 йилнинг октябрь ойида Ўзбекистон Республикаси Меҳнат кодексининг 161-моддасига асосан бекор қилинган. Унга асос қилиб жамият касаба уюшмаси қўмитасининг тегишли йиғилиш баёни кўрсатилган. Шунингдек, фуқаро В.А. 1995 йилдан буён ушбу жамиятда ишлагани ва аввал бирор марта интизомий жавобгарликка тортилмагани ҳамда боқувчиси йўқ ёлғиз она эканини қайд этган», – дейилади хабарда.
Мурожаат Омбудсманнинг Фарғона вилоятидаги минтақавий вакили ва Ўзбекистон касаба уюшмалари Федерациясининг Фарғона вилоят Кенгаши билан биргаликда ўрганилган.
Ишга тааллуқли ҳужжатларни ўрганиш жараёнида ходим 2023 йилнинг июль ойида навбатдаги меҳнат таътилига чиққани, унга қачон ишга қайтиши кераклиги маълум қилинмагани, таътил вақтида соғлиғи ёмонлашгани туфайли 2 маротаба меҳнатга лаёқатсизлик варақалари очилгани, ходим ишга қайтганида 2 кун сабабсиз ишда бўлмаганлиги сабабли унга нисбатан хизмат текшируви ўтказилганлиги аниқланган.
«Ҳужжатлар ўрганилиб, иш берувчи томонидан меҳнат қонунчилиги бузилганлиги ҳолатлари аниқланди ва судга ишга тиклаш ҳақида даъво ариза киритилган. Фуқаролик ишлари бўйича Фарғона туманлараро судининг ҳал қилув қарори билан иш берувчининг буйруғи ғайриқонуний деб топилди ва бекор қилинди. Мурожаатчи В.А. ўз лавозимига тикланиб, мажбурий прогул кунлари ва етказилган маънавий зарар учун 19 миллион 680 минг сўм ундирилиши белгиланди», – дейилади хабарда.
Ҳозирда мурожаатчи аввалги лавозимида ўз иш фаолиятини давом эттирмоқда.
If you have found a spelling error, please, notify us by selecting that text and pressing Ctrl+Enter.
Тавсиялар
Франция Украинага Россия ҳудудига SCALP ракеталари билан зарба беришга рухсат берганини тасдиқлади
Reuters: Украина Курск областида УҚК назорат қилган ҳудуднинг 40% дан ортиғини йўқотди
Украина Энергетика вазирлиги: Жорий ҳафтада ҳужумлар сабабли ЗАЭС икки марта “блэкаут” чегарасида қолди
АҚШ армиясининг собиқ офицери ва Россия тарғиботчиси Скотт Бенетт вафот этди
ДХХ раиси ўзгарди
USD
EUR
RUB
Шарҳлар