Ўзбекистоннинг “Фотон” компанияси Россия ракеталари учун микросхемалар ишлаб чиқарувчиси сифатида кўрсатилди

Украинага қарши уруш муносабати билан Россияга нисбатан жорий қилинган санкциялар бўйича махсус сайт ишга туширилди. У ерда уруш ҳомийлари ва урушга аралашганлар кўрсатиб ўтилган. Бу ҳақда Украина президенти офиси хабар берди.

Ўзбекистоннинг ОКБ Фотон компанияси Россиянинг “Калибр” ракета мажмуаси учун 3М-14 қанотли ракеталарида қўлланиладиган 286EП3 ва 286EП4 микросхемалари ишлаб чиқарувчиси сифатида қайд этилган.

Сайтда мамлакатлар ҳукуматлари нима қилиши кераклиги борасида тавсиялар келтирилган:

• Кучайтирилган экспорт назорати ўрнатиладиган маҳсулотлар рўйхатини тасдиқлаш;
• Уларнинг Россия, Беларусь, Эрон, КХДРга реэкспорт қилинишини тақиқлаш;
• Уларнинг рискли юрисдикцияларга етказилиши даврида кучайтирилган текширув жараёнларини белгилаш;
• Қонунбузарлик ва совуққонлик учун жавобгарликни кучайтириш, банкларни текширувга жалб қилиш;
• Бошқа мамлакатлар билан ахборот алмашиш ва саъй-ҳаракатларни синхронлаштириш.

Эслатиб ўтамиз, 2023 йил декабрида Украина “Фотон” компаниясига қарши санкциялар киритган эди.