Freedom House ташкилотининг янги ҳисоботида Ўзбекистон “эркин бўлмаган мамлакатлар” қаторига киритилди

Freedom Housе инсон ҳуқуқлари ташкилотининг “Дунёда эркинлик-2024” йиллик ҳисоботида айтилишича, глобал эркинлик даражаси кетма-кет 18 йилдирки пасайиб бормоқда.

Ҳисобот муаллифлари Ўзбекистонни “эркин бўлмаган давлатлар” тоифасига киритди, мамлакат “сиёсий ҳуқуқлар” тоифасида 2 балл (40 баллдан) ва “фуқаролик эркинликлари” тоифасида 10 балл (60 баллдан) тўплади.  2023 йилда муаллифлар Ўзбекистонни ҳам “эркин бўлмаган мамлакатлар” қаторига киритганди.

Дунё аҳолисининг 38 фоизи «эркин бўлмаган мамлакатларда» яшайди. Сиёсий ҳуқуқлар ва фуқаролар эркинликларининг заифлашиши 52 давлатда қайд этилган.

“Авторитар етакчилар ва қуролли гуруҳлар томонидан плюрализмни рад этиш… 2023 йилда репрессиялар, зўравонлик ва умумий эркинлик даражасининг кескин пасайишига олиб келди. – дейилади ҳисоботда. – Фаол қуролли тўқнашувлар ва авторитар тажовуз таҳдидлари ҳам дунёни хавфлироқ қилади ва демократияни пасайтиради».

Ҳисобот муаллифларининг қайд этишича, демократиялар зулмга қарши курашнинг олдинги сафларида турганларни қўллаб-қувватлаши ва молиялаштириши, низоли ҳудудларда яшовчи одамларнинг ҳуқуқларини ҳимоя қилиши ва қувғиндаги ҳуқуқ ҳимоячиларини ҳимоя қилиши керак.