Германияда Россия билан уруш эҳтимолига тайёргарлик кучаймоқда

Россиянинг НАТО давлатларига таҳдидлари ва Германияга бевосита зарба бериш эҳтимоли сабабли мамлакатда фуқаролик мудофааси чоралари кучайтирилди. Германияда ҳимоя бошпаналарни тиклаш, янги режалаштирилган мудофа тизимларини яратиш ҳамда корхоналарни уруш ҳолатига тайёрлаш чоралари кўрилмоқда.

Россия Украинага кенг кўламли ҳужум бошлаганидан кейин, Германияда 2024-йилда эски қурил сақлаш иншоатларини қайта тиклаш эҳтиёжи аниқланди. Федерал аҳолини ҳимоя қилиш ва фавқулодда ҳолатлар бошқармаси (БКК) мамлакатда мавжуд объектларни бошпана сифатида мослаштириш бўйича тадқиқотлар олиб бормоқда. Билд нашрига кўра, бу жараён административ бинолар ва метро бекатлари каби жойларни ҳам ўз ичига олади. Шу билан бирга, махсус мобил илова яратилиб, фуқароларга энг яқин бошпана жойини топишда ёрдам берилиши режалаштирилмоқда.

Германияда Иккинчи жаҳон уруши давридан қолган 579 та бошпана мавжуд бўлиб, улар атиги 480 000 кишини қамраб олиши мумкин. Янги бошпана қуриш жуда қиммат ва вақт талаб қилиши боис, кичик ва децентрализациялашган бошпаналар тизимини яратиш мақсад қилинган.

Европа Комиссияси (ЭК) сўнгги докладида аҳолига уч кунлик озиқ-овқат, сув ва дори-дармон захираси яратишни тавсия этди. ЭК раҳбари Урсула фон дер Ляен пандемия ва Россиянинг Украинага ҳужумга тайёр эмаслик Европа мудофаасини кучайтириш заруриятини ошкор этганини таъкидлади.

Германия ҳукумати «Оператив режа Германия» номли махфий ҳужжатни ишлаб чиқди. Бу ҳужжатда уруш ҳолатида корхоналар учун кўрсатмалар ва тавсиялар берилган. Бошқа давлатлардан келган юк машиналари ҳайдовчиларининг кўпчилиги Шарқий Европа фуқаролари экани сабабли, Германия компанияларига захира ҳайдовчиларни ўқитиш тавсия этилган. Шунингдек, корхоналарга дизел генераторлар, шамол турбиналари каби муқобил энергия манбаларига эга бўлиш ва фавқулодда ҳолатлар учун аниқ режалар ишлаб чиқиш тавсия этилди.