ГФР Украинага бир неча бор кўпроқ артиллерия снарядларини тақдим этади

Германия мудофаа вазири Борис Писториус 2024 йилда Украинага ўтган йилга нисбатан сезиларли даражада кўпроқ артиллерия снарядлари берилишини айтди. Бу ҳақда у Брюсселда Украина билан ҳарбий ҳамкорлик бўйича “Рамштайн” форматидаги алоқа гуруҳи йиғилишида маълум қилди, дея хабар беради Reuters.

Писториуснинг айтишича, 2024 йилда артиллерия снарядларини етказиб бериш 2023 йилга нисбатан 3-4 баравар кўп бўлиши кутилмоқда. Шунингдек, у ушбу ҳажмнинг ошиши Украина ва, демакки, Германия учун ҳам ижобий ҳолат эканини таъкидлади.

“Айтишим мумкинки, биз 2024 йилда Украинага 2023 йилга нисбатан 3-4 баробар кўпроқ артиллерия снарядларини етказиб беришимиз кутилмоқда”, — деди Писториус. «Жадаллик ўсиб бормоқда, бу Украина учун ва шу билан бирга, биз учун ҳам яхши», – деди вазир.

Вазирнинг сўзларига кўра, Германиянинг 2024 йилги бюджетида ўқ-дорилар ишлаб чиқаришга 3,5 миллиард евро сарфлаш режалаштирилган. Унинг фикрича, Украинадаги можаронинг натижаси кўп жиҳатдан ўқ-дорилар ишлаб чиқаришга боғлиқ бўлади.