СЭҚ йўл бўйидаги музқаймоқларни харид қилмасликка чақиради

Санитария-эпидемиология қўмитаси йўл четида сотилаётган музқаймоқларни истеъмол қилиш хавфи ҳақида огоҳлантирмоқда.

Қўмита баёнотига кўра, ушбу сотувчилардан музқаймоқларни сақлаш ва сотиш шартлари санитария-гигиена талабларига жавоб бермайди. Савдогарлар махсус кийимдан фойдаланмайди, зарур тиббий ҳужжатларга эга эмас.

“Озиқ-овқат маҳсулотларини сотиш билан шуғулланувчи барча ишчилар ҳар олти ойда бир марта тиббий кўрикдан ўтиши шарт”, – дейилади хабарда.