Илон Маск президентлик сайловларигача Доналд Трамп тарафдорларига кунига бир миллион доллар беришга ваъда берди.

Америкалик миллиардер Илон Маск АҚШда ноябрь ойида бўлиб ўтадиган президентлик сайловларига қадар Конституцияни қўллаб-қувватловчи ўзининг онлайн петициясини имзолаганларга ҳар куни бир миллион доллар беришга ваъда берди. Мурожаатда шундай дейилади: Биринчи ва иккинчи тузатишлар сўз эркинлиги ва қурол олиб юриш ҳуқуқини кафолатлайди. Қуйида имзо чекиш орқали мен Биринчи ва Иккинчи тузатишларни қўллаб-қувватлашимни билдираман .

Маск аллақачон Пенсилванияда Доналд Трампни қўллаб-қувватлаш мақсадида ўтказилган сайловолди тадбири иштирокчиларидан бирига миллион учун биринчи чекни тақдим этган. Жон Дреҳер исмли одам пулни олган. “Айтганча, Жон бундай бўлишини билмас эди, – деди Тесла асосчиси Дреҳерга чекни тақдим қилиб.

Нақд пул совғаси Маск ўз бойлигидан Доналд Трамп ва Камала Харрис ўртасидаги президентлик пойгасига таъсир қилиш учун фойдаланганининг сўнгги мисолидир, дея таъкидлайди Реутерс. Аввалроқ Маск Трампнинг президентлик кампаниясини қўллаб-қувватловчи Америка ПАC сиёсий ташкилотига асос солган эди. У баҳсли штатларда сайловчиларни сафарбар қилиш ва рўйхатга олишда ёрдам беради.

Пенсилваниядаги тадбирда Маск ноябрь ойидаги сайловларнинг қайғули расмини чизди ва тарафдорларини эрта овоз беришга ва бошқаларни ҳам худди шундай қилишга ундади. У, шунингдек, агар Харрис ғалаба қозонса, бу «охирги сайловлар» бўлишини айтди ва Қўшма Штатлар энди мавжуд бўлмаслигини назарда тутди. Трампга суиқасд уюштиришга муносабат билдирар экан, у “Ҳеч ким Харрисга суиқасд уюштирмоқчи эмас” деган шов-шувли тезисларини такрорлади. «Қўғирчоқни ўлдириш фойдасиз», деди Маск.