Ҳиндистон ҳукумати йўтал сиропининг ишлаб чиқарувчисига заводни ишга туширишга рухсат берди

Ҳиндистон шимолидаги Уттар-Прадеш штатида Ўзбекистонда камида 65 боланинг ўлимига сабабчи бўлган йўтал сиропининг ишлаб чиқарувчи Marion Biotech компаниясига тегишли заводда ишлаб чиқаришнинг катта қисмини қайта тиклашга рухсат берди, дея хабар беради Reuters агентлиги.

Март ойида лицензияси бекор қилинган Marion Biotech компанияси жойлашган штатдаги дори-дармонлар регуляторининг буйруғида «фирма томонидан ишлаб чиқарилган бошқа дори-дармонларда сифатсиз маҳсулотларга оид ҳеч қандай ҳолат маълум эмас», дейилади.

«Ишлаб чиқарувчи фирманинг апелляцияси қисман қабул қилинди», – дейди расмий Шаши Мохан Гупта 14 сентябрдаги буйруғида. «Унинг пропиленгликолдан фойдаланган ҳолда маҳсулот ишлаб чиқаришга рухсати бекор қилинди ва унга бошқа барча маҳсулотларни ишлаб чиқариш ва сотишга рухсат берилди.»

Чоршанба куни Гупта Reuters агентлигига Ҳиндистоннинг дори-дармонларни назорат қилувчи бош назоратчиси Ражив Сингх Рагуванши Marion Biotech компаниясига тузатувчи ва олдини олувчи ҳаракатлар режасини бошлашни сўраб хат ёзганини маълум қилган.

Уттар-Прадеш штатидаги Marion заводи Ўзбекистон Соғлиқни сақлаш вазирлиги ўтган йили ушбу компания томонидан ишлаб чиқарилган “Амбронол” ва “Дос-1 Мах” сиропларини синовдан ўтказгач, март ойида ёпилган эди. Таҳлиллар шуни кўрсатдики, сиропларда диэтиленгликоль (ДЭГ) ва этиленгликоль (ЭГ) токсинларининг қабул қилиниши мумкин бўлмаган миқдори мавжуд бўлиб, улар одатда инсон истеъмоли учун мўлжалланмаган маҳсулотларда қўлланилади.

Январь ойида Ҳиндистон ҳукумати лабораторияси томонидан ўтказилган тестлар Марион томонидан ишлаб чиқарилган 22 та сироп намунаси «сохта ва қалбаки» эканлигини аниқлади, деди март ойида мамлакатнинг гиёҳванд моддаларни назорат қилиш идораси.

Ҳиндистон фармацевтика департаментининг парламентга маълум қилишича, синовлар Marion заводидан олинган йўтал сиропларининг таркибий қисми бўлган пропиленгликоль намунасида этиленгликоль борлигини ҳам кўрсатган.

Январь ойида Ҳиндистон ҳукумати лабораторияси томонидан ўтказилган синовлар ишлаб чиқарилган сиропларнинг 22 та намунаси «қалбакилаштирилган ва сохта» эканини кўрсатди, – деганди март ойида мамлакатнинг дори-дармонларни назорат қилувчи органи.

Компания қарор устидан штат ҳукуматига шикоят қилганидан сўнг, 11 август куни пропиленгликолсиз барча маҳсулотларни ишлаб чиқаришни қайта тиклашга рухсат берилди, дейилади 14 сентябрдаги буйруқда.

Анонимлик шарти билан гапирган, масаладан хабардор бўлган яна икки манба Reuters  агентлигига Marion заводи ҳозирча унинг ҳужжатлари кўриб чиқилгунга қадар ёпиқ қолишини айтган.

Аввалроқ “Док-1 Мах” дистрибьютори Ўзбекистонда 50 турдаги дори воситаларини сотишга рухсат сўраган эди.