Қирғизистонда Салимбойни шахсан таниши билан мақтанган эркак текширилди

Қирғизистон махсус хизматлари Боткен вилоятининг Раззоқов шаҳрида яшовчи ўзбекистонлик криминал етакчи “Салимбойвачча” лақаби билан танилган Салим Абдувалиев билан таниш эканлигини даъво қилган шахс ҳақидаги маълумотларни текширди.

Қирғизистонда жиноий тузилмаларга алоқадорликда айбланиб қидирувда бўлган Абдувалиев аввалроқ Ўзбекистонда ноқонуний қурол савдоси учун 6 йилга ҳукм қилинган эди.

Москвадан Раззоқовга қайтиб келган 1978 йилда туғилган эркак танишларига Абдувалиев билан тушган суратини кўрсатган. У 16 август куни сўроқ қилинган ва Абдувалиев билан Тошкентда учрашганини тан олган, бироқ бу қизиқувчанлик туфайли бўлганини ва у билан ҳеч қандай бизнес алоқаси йўқлигини билдирган.

Ҳозирда у Россияда такси ҳайдовчиси бўлиб ишлайди, Давлат Миллий хавфсизлик қўмитасининг маълумотларига кўра, маълумотларини мунтазам равишда ўзгартириб туради.

Текширув давомида унинг уюшган жиноий гуруҳларга алоқадорлиги аниқланмаган, бироқ эркак ўз қилмишининг ноқонуний оқибатларини англаб етган ва келгусида бундай қилмасликка ваъда берган.