Фарғонада бир оиланинг 3 аъзоси ис газидан вафот этди, икки нафари болалар
![](https://anhor.uz/wp-content/uploads/2024/03/photo_2024-03-02_10-49-11.jpg)
Фарғонада эркак ва унинг икки фарзанди ис газидан вафот этган. Марҳум болалар 11 ва 12 ёшда бўлишган. Anhor.uz сўровига Бош прокуратура матбуот хизмати раҳбари Ҳаёт Шамсутдинов ҳодиса юзасидан қуйидагиларни маълум қилди.
“Ҳодиса 1 март куни Бешариқ тумани Ободон кўчасидаги хонадонлардан бирида содир бўлган. Мазкур уйда яшовчи 1973 йилда туғилган эркак ва унинг 2 нафар фарзанди ис газидан заҳарланиб, вафот этишган”, – дейди муносабатда.
Маълум қилинишича, вафот этган қизалоқ 2012 йилда, ўғл бола эса 2013 йилда туғилган бўлган.
Кўздан кечириш давомида марҳумлар истиқомат қилган хонадонда ностандарт қўлбола иситиш печидан фойдаланилганлиги аниқланган. Марҳумларнинг ўлими буйича суд-тиббиёт экспертизаси тайинланган. Текшириш ҳаракатлари олиб борилмоқда.
If you have found a spelling error, please, notify us by selecting that text and pressing Ctrl+Enter.
Шарҳлар