Ижодий имтиҳонлар учун рухсатномалар чиқди

Аввалроқ, алоҳида иқтидор талаб этиладиган таълим йўналишларига рўйхатдан ўтган абитуриентлар учун касбий (ижодий) имтиҳонлар 5-19 июль кунлари бўлиб ўтиши ҳақда хабар берган эдик.

Касбий (ижодий) имтиҳонлар республика бўйлаб 53 та олий таълим муассасасида ўтказилади.

Имтиҳоннинг аниқ санаси, вақти ва манзили кўрсатилган рухсатномани my.gov.uz даги “Абитуриентни рўйхатдан ўтказиш хизмати” орқали онлайн юклаб олиш мумкин.

Абитуриентлардан юқоридаги хизмат орқали касбий (ижодий) имтиҳон рухсатномасини юклаб олиш ва имтиҳон ўтказиладиган жойга белгиланган вақтдан бир соат олдин етиб бориш сўралади.