Jah Khalib концертидаги вазият муносабати билан Миллий гвардия раҳбарияти алмаштирилди
Ўзбекистон Миллий гвардияси қўмондонининг буйруғи билан Отамурод Бахтиярович Ахмедов 2021 йил ноябрь ойидан буён эгаллаб келган Тошкент шаҳар Миллий гвардия бошқармаси бошлиғи лавозимидан озод этилди, дея хабар беради Миллий гвардиянинг матбуот хизмати.
Ўзбекистон Республикаси Миллий гвардияси қўмондонининг буйруғи билан полковник Мадумаров Мирзаакбар Мадаминович Миллий гвардия Тошкент шаҳри бўйича бошқармаси бошлиғи лавозимини вақтинча бажарувчи этиб тайинланди. Тайинловга қадар полковник M.Madumarov Миллий гвардия тасарруфидаги Жамоат тартибини сақлаш бўйича бригада командири лавозимида фаолият юритиб келган.
Мавжуд маълумотларга кўра, Отамурод Ахмедов Humo Arena мажмуасида қозоғистонлик санъаткор Jah Khalib’нинг концерти чоғида содир бўлган воқеа муносабати билан ишдан бўшатилган.
Эслатиб ўтамиз, 25 ноябрь куни Humo Arena майдонига кираверишда тиқилинч юзага келган ва бу тартибсизликлар билан кечган эди. Салбий ҳолатларнинг олдини олиш мақсадида айрим ташриф буюрувчилар Миллий гвардия ходимлари томонидан “хавфсиз зоналарга” эвакуация қилинган. Мингдан ортиқ одам чипталари аввалроқ тақдим этилгани учун концертга туша олмаган.
If you have found a spelling error, please, notify us by selecting that text and pressing Ctrl+Enter.
Тавсиялар
Парадзюдочи Давурхон Кароматов Паралимпиадада бронза медалини қўлга киритди
Ота-онасининг қарамоғисиз қолган 1 нафар бола Россиядан Ўзбекистонга қайтарилди
X ижтимоий тармоғининг фаолиятида оммавий бузилишлар: бутун дунёда фойдаланувчилар муаммолардан шикоят қилмоқда
Экофаоллар ўзларини Нидерландиядаги асосий бадиий музейнинг кириш жойига кишанлаб қўйишди
Ўзбекистонлик Анвар Анваров Загребдаги халқаро турнирда кумуш медални қўлга киритди
USD
EUR
RUB
Шарҳлар