Япония Оролбўйида қишлоқ хўжалигини ривожлантиришга 2 млн доллар ажратди

12 сентябрь куни Тошкент шаҳрида Орол денгизи минтақасида иқлимга чидамли қишлоқ хўжалиги орқали ўз-ўзини таъминлашни қўллаб-қувватлаш бўйича БМТТД янги лойиҳаси расмий ишга туширилди. Ушбу ўзгарувчан ташаббус Япония ҳукуматининг молиявий кўмаги ёрдамида амалга оширилади. Лойиҳа бюджети 2 млн АҚШ долларини ташкил қилади, дея хабар беради БМТТДнинг Ўзбекистондаги ваколатхонаси матбуот хизмати.

Лойиҳадан шимолий тўрт туман: Хўжайли, Чимбой, Кегейли ва Нукуснинг 376 мингдан ортиқ аҳолиси манфаатдор бўлиши кутилмоқда. Ҳисоб-китобларга кўра, билвосита бенефициарлар 1,9 миллион кишини ташкил қилади.

Ушбу лойиҳа маҳаллий жамоаларга ёрдам бериш учун янги ва ақлли деҳқончилик усулларини олиб келади. Бу уларга ўз ерларидан кўпроқ ва юқори даромад олиш йўлларини ўргатади. Бу ҳамжамиятларга қишлоқ аҳолисининг иқлимга чидамли ижтимоий хизматлардан, жумладан, тоза ичимлик суви ва барқарор энергиядан фойдаланишини таъминлашга қаратилган иқлимга чидамли жамиятни ривожлантириш режаларини ишлаб чиқишни қўллаб-қувватлайди. Бу орқали лойиҳа аҳоли саломатлиги ва озиқ-овқат хавфсизлигини таъминлашни мақсад қилган.