Япониядаги зилзила қурбонлари орасида Ўзбекистон фуқаролари йўқ
Январь ойи бошида Япония ғарбидаги префектураларида содир бўлган кучли зилзила оқибатида қурбон бўлган ва жароҳатланганлар орасида Ўзбекистон фуқаролари йўқ. Ўзбекистон дипломатлари Япониянинг тегишли идоралари билан доимий алоқада бўлиб турибди, деб хабар бермоқда «Дунё» АА.
Россиянинг «Новости» ахборот агентлиги маълумотига кўра, бугунги кунда Японияда 1 январь куни содир бўлган зилзила оқибатида қурбон бўлганлар сони 168 нафарга етган, 323 киши эса бедарак йўқолган. Аввалроқ 161 киши ҳалок бўлгани, 103 нафар киши эса бедарак йўқолгани ҳақида хабар берилган эди. Япониянинг Вадзима шаҳри раҳбарияти 281 кишининг қаердалиги ва хавфсизлигини тасдиқлай олмагани сабабли бедарак йўқолганлар сони ортган.
Эслатиб ўтамиз, Япониянинг ғарбий қисмидаги Ното ярим ороли ҳудудида янги йилнинг биринчи кунида кучли зилзилалар рўй берди. Энг кучли ер қимирлаши 7,6 баллни ташкил қилган. 2011 йилдан бери биринчи марта Япониянинг бутун ғарбий қирғоқларига йирик цунами хавф солди. Соҳилнинг баъзи жойларида тўлқин баландлиги 4,2 метрга етган. Оқибатда 1370 дан ортиқ уйлар қисман ёки бутунлай вайрон бўлди, одамлар вайроналар остида қолган бўлиши мумкин.
If you have found a spelling error, please, notify us by selecting that text and pressing Ctrl+Enter.
Тавсиялар
Президентга спорт соҳасида амалга оширилаётган ишлар ҳақида маълумот берилди
“Адолат” СДП: Терговдаги шахс ички ишлар биносида вафот этса, ҳолат ошкора тергов қилиниб, айбдор жазоланиши лозим
USAID Ўзбекистонда таълимни қўллаб-қувватлашга қўшимча 6,1 млн доллар инвестиция қилмоқда
Ўзбекистонда самокатлар ва велосипедларда ҳаракат хавфсизлиги қоидаларини бузувчи фуқаролар жаримага тортилади
Wildberries офиси ёнидаги отишма иши бўйича “Ахмат” бўлинмаси командирининг ўринбосари ҳибсга олинди
USD
EUR
RUB
Шарҳлар