Эрон АҚШ ва Буюк Британия ҳаво ҳужумларини қоралади

Эрон Ташқи ишлар вазирлиги Яманга берилган зарбаларни “Яман суверенитети ва ҳудудий яхлитлигини очиқдан-очиқ бузиш” ва халқаро ҳуқуқнинг бузилиши сифатида қоралади.

Ҳужумлар “минтақадаги ишончсизлик ва беқарорликни кучайтиришдан бошқа ҳеч қандай натижага олиб келмайди”, деган вазирлик матбуот котиби Носир Канани вазирликнинг телеграмдаги постида.

Айни пайтда Эрон томонидан қўллаб-қувватланган Ливаннинг Ҳизбуллоҳ жангари гуруҳи ҳам Ямандаги зарбаларни қоралади.

Реутерс хабарига кўра “Америка тажовузкорлиги АҚШ сионистик душман томонидан Ғазо сектори ва минтақада содир этилган фожиалар ва қирғинларнинг тўлиқ ҳамкори эканлигини яна бир бор тасдиқлайди”, дейилади Эрон томонидан қўллаб-қувватланган гуруҳ баёнотида .