Ёнғин оқибатида шикастланган Аграр университетининг биноси бузиб ташланиши мумкин

Йирик ёнғин оқибатида зарар кўрган Қибрай туманидаги Тошкент давлат аграр университети биноси бузилиши мумкин. Бу ҳақда Олий таълим, фан ва инновациялар вазири Қўнғиратбай Шариповга асосланиб Kun.uz нашри ёзади.

“Университет биноси кўздан кечирилмоқда, агар ёнғиндан кейин талабларга жавоб бермаса, бузиб ташланади. Унинг кейинги тақдири ҳукумат қарорига боғлиқ”, — дейди вазир.

Унинг сўзларига кўра, ўқув жараёни давом этмоқда. Тошкент педиатрия тиббиёт институти қошидаги академик лицей ва Юнусобод туманидаги Ижодий технологиялар марказида ўқувчилар учун мингдан ортиқ ўқув ўрни яратилган.

“Ягона қарор бинони бузиш ёки уни қайта тиклаш керак”, – дея хулоса қилади Шарипов.

30 сентябрь куни кечқурун Аграр университети ҳудудида кучли ёнғин содир бўлганди. Ўрмон хўжалиги агентлиги уларнинг университет ҳудудида бўлмаган биносининг тўртинчи қавати ва томи шикастланганини маълум қилди. Мазкур ҳолат юзасидан Жиноят кодексининг 259-моддаси 2-қисми (ёнғин хавфсизлиги қоидаларини бузиш) билан жиноят иши қўзғатилган.