Юрген Клопп “Ливерпул”ни тарк этиши ҳақида эълон қилди

Германиялик машҳур мураббий Юрген Клопп жорий мавсум якунида «Ливерпул» жамоасининг бош мураббийи лавозимини тарк этиши ҳақида маълум қилди.

Клопп ўз баёнотида шундай деди: «Бу кўпчилик учун шок бўлиши мумкинлигини тушунаман, лекин мен тушунтиришни ёки ҳеч бўлмаганда тушунтиришга ҳаракат қилишни истардим. Менга бу клуб, бу шаҳар, мухлисларимиз, жамоамиз, ходимлар, ҳамма нарса ёқади. Лекин барибир бу қарорни қабул қилганим, бу мен учун тўғри қарор эканлигига ишончим комиллигини билдиради. Менда энергия йўқ. Ҳозир ҳаммаси яхши, лекин мен эртами-кечми бунга дуч келишим кераклигини тушуняпман. Мен бу ишни абадий давом эттира олмаслигимни биламан”.

Клопп «Ливерпул»га 2015 йилнинг 8 октябрида келди ва жамоа билан 7 та соврин, жумладан, Чемпионлар лигаси, Премьер-лига, Лига кубоги, Англия кубоги, УЕФА Суперкубоги ва клублар ўртасидаги жаҳон чемпионатида ғолиб чиққан. Унинг мураббийликдан кетиш қарори мухлислар ва футбол жамоатчилиги орасида безовталикка сабаб бўлди.