МДҲ давлатларининг мудофаа вазирлари Тулада учрашди

29 сентябрь куни Тула шаҳрида МДҲга аъзо давлатлар Мудофаа вазирлари кенгашининг 82-мажлиси бўлиб ўтди. Унда Ўзбекистон мудофаа вазири генерал-лейтенант Баҳодир Қурбонов иштирок этди, дея хабар беради Ўзбекистон Мудофаа вазирлигининг матбуот хизмати.

Учрашувда Озарбайжон, Арманистон, Беларусь, Қозоғистон, Қирғизистон, Россия, Тожикистон, Туркманистон ва Ўзбекистон делегацияларининг ҳарбий ва ҳарбий-техник ҳамкорликка оид қатор масалаларни муҳокама қилди.

Шунингдек, дунёдаги ҳарбий-сиёсий вазият юзасидан фикр алмашилди, дейилади хабарда.

Россия Мудофаа вазирлигининг баёнотида айтилишича, томонлар ҳаво ҳужумидан мудофаа, ҳарбий хизматчиларнинг ҳарбий касбий тайёргарлиги ва бошқа соҳаларда ҳамкорликни ривожлантириш масалалари ҳам муҳокама қилинган.