Қурбон ҳайити куни Тошкент метроси 10:00 га қадар бепул хизмат кўрсатади

16 июнь — Қурбон Ҳайити байрами куни йўловчиларга қулайлик яратиш мақсадида, Тошкент метрополитени одатдагидан икки соат олдин, яъни, тонги соат 03:00 дан иш фаолиятини бошлайди. Бу ҳақда “Тошкент метрополитени” ДУК хабар бермоқда.

Бундан ташқари, Қурбон Ҳайити байрами кунида барча йўловчилар учун Тошкент метрополитени соат 03:00 дан 10:00 га қадар бепул хизмат кўрсатади.

Шунингдек, метро йўловчиларига байрам муносабати билан белгиланган бошқа дам олиш кунларида эса якшанба куни учун тасдиқланган жадвал асосида соат 05:00 дан хизмат кўрсатилади.