Ўзбекистон Миллий гвардиясида ота-оналар ўз мажбуриятларини бажармагани ҳақида уларга билдирги юбориш бўйича ваколатлар йўқ – матбуот хизмати

Anhor.uz таҳририятига оналарнинг биридан хабар келиб тушди, у фарзанди мактабга кеч қолгани сабабли билдирги олган.

“Синф раҳбаридан, агар бола дарсга кечикса, дарс қолдиргани учун эмас, ота-оналар тарбиявий мажбуриятларини бажармаганликлари учун жаримага тортилиши ҳақида хабар олдик. Маъмурий жавобгарлик тўғрисидаги кодекснинг 47-моддаси. Ким бу ҳақда билади? Ҳуқуқшунослар – изоҳ беринглар… Ҳа, энди бу ишлар билан Миллий гвардия шуғулланар экан, энди бу унинг ваколатларига кираркан – кечикаётган болани тўхтатиб, смартфони бор-йўқлигини текшириш, манзилини текшириш, ота-оналарга жарима ёзиш, буни қандай тушуниш мумкин? ”

Миллий гвардия ахборот хизмати бошлиғининг ўринбосари, подполковник Ирина Сайфутдинованинг айтишича, Миллий гвардия ҳозирча 47-моддани қўллаш ваколатига эга эмас.

“Биз фақат уларни аниқлаймиз ва ички ишлар органларига берамиз. 47-модда бўйича ота-оналарга нисбатан баённомалар ҳақида: суд барча ҳолатларни кўриб чиқиб, қарор қабул қилади”, — дейди у.

Аввалроқ Миллий гвардия мактаблардаги давоматни текшира бошлагани ҳақида хабар берилганди.