Тошкент мозаикалари ҳақидаги лойиҳа халқаро фестивалда ғолиб бўлди
Тошкентдаги маданий бойликларни – мозаикаларни ёпиб турган реклама баннерларидан озод қилиш билан таништирувчи “Mosaicvertising” лойиҳаси халқаро эътирофга сазовор бўлди, деб хабар бермоқда ЎзА.
Хусусан, Грузиянинг Батуми шаҳрида бўлиб ўтган “AdBlackSea” халқаро ижод фестивалида Тошкент мозаикалари ҳақидаги лойиҳа Гран-прини қўлга киритди. Танловнинг қисқа рўйхатига жами 119 та лойиҳа киритилган бўлиб, бош соврин тошкентликларга насиб этди.
“AdBlackSea” фестивали 2015 йилдан буён ўтказиб келинмоқда ва реклама ҳамда маркетинг соҳасидаги мутахассислар орасида машҳурдир. Ғолиблар орасида Ўзбекистон, Словения, Болгария, Арманистон, Озарбайжон, Қозоғистон, Грузия ва бошқа мамлакатларнинг лойиҳалари мавжуд.
Бундан ташқари, Қозоғистонда бўлган “Жолборс-2024” XIII халқаро реклама фестивалида ҳам Тошкент мозаикалари ҳақидаги лойиҳа учта олтин ва учта бронза мукофотини қўлга киритди.
Маданият ва санъатни ривожлантириш жамғармаси ҳамда Маданий мерос агентлиги ташаббуси билан мозаикалар Ўзбекистон маданий мероси рўйхатига киритилди. Тошкент шаҳар ҳокимлиги ҳузуридаги Рақамли ривожланиш департаменти томонидан мозаикалар ҳақидаги сайт, анимация ва кенгайтирилган реаллик мобил иловаси яратилди.
If you have found a spelling error, please, notify us by selecting that text and pressing Ctrl+Enter.
Тавсиялар
Франция Украинага Россия ҳудудига SCALP ракеталари билан зарба беришга рухсат берганини тасдиқлади
Reuters: Украина Курск областида УҚК назорат қилган ҳудуднинг 40% дан ортиғини йўқотди
Украина Энергетика вазирлиги: Жорий ҳафтада ҳужумлар сабабли ЗАЭС икки марта “блэкаут” чегарасида қолди
АҚШ армиясининг собиқ офицери ва Россия тарғиботчиси Скотт Бенетт вафот этди
ДХХ раиси ўзгарди
USD
EUR
RUB
Шарҳлар