Бугундан сайловда муддатидан олдин овоз бериш бошланди

Бугун, 16 октябрдан Олий Мажлис Қонунчилик палатаси ва маҳаллий Кенгашлар депутатлари сайловида муддатидан олдин овоз бериш бошланди. Бу ҳақда Марказий сайлов комиссияси хабар бермоқда.

Бугун соат 9:00 дан республика бўйлаб сайлов участкалари муддатидан олдин овоз бериш учун очилди.

Сайлов куни ўз яшаш жойида бўлиш имкониятига эга бўлмаган овоз берувчи муддатидан олдин овоз бериш ҳуқуқига эга.

Сайлов участкасида муддатидан олдин овоз бериш вақти иш кунлари соат 9:00 дан соат 18:00 га қадар, дам олиш кунлари соат 11:00 дан соат 17:00 га қадар амалга оширилади.

Муддатидан олдин овоз берувчи сайловчилар қуйидаги ҳавола орқали сайлов участкасини аниқлаб олишлари мумкин: https://www.saylov.uz/oz/services/find-your-polling-station