Лицензияси бекор бўлган нодавлат ОТМлар талабаларининг тақдири нима бўлади

Олий таълим, фан ва инновациялар вазирлигининг маълум қилишича, лицензия талаблари ва шартларини қўпол равишда бузган 6 та нодавлат олий таълим ташкилотининг лицензияси бекор қилиниши учун судга даъво аризалари киритилган. 

 Хабарга кўра, “5 та университетнинг тегишли лицензияси суд қарорига кўра бекор қилинган, 1 та нодавлат олий таълим ташкилотининг лицензиясини бекор қилиш бўйича суд жараёни давом этмоқда”. 

Бугунги кунга қадар суд жараёнлари тўлиқ якунланган ва лицензияси бекор қилинган олий таълим ташкилотлари – “Valley Innovative University”, Урганч шаҳридаги Binari университетининг барча талабалари тегишли тартибда бошқа олий таълим ташкилотларига кўчирилган. 

Ҳозирда лицензияси бекор қилинган бошқа олий таълим ташкилотлари талабаларининг ўқишини кўчириш ишлари ташкил эттирилмоқда.