Ноқонуний валюта айирбошловчилар қўлга олинди

Яккабоғ тумани прокуратурасининг ДХХ ва ИИБ ходимлари билан ҳамкорликда ўтказилган тезкор тадбирда валюта айирбошлаш билан шуғулланиб келган И.Ж. жами 3 950 АҚШ долларини фуқаро Б.К.га 49,2 млн сўмга сотган вақтида далиллар билан ушланган.

Яна шунга ўхшаш ҳолат Амударё тумани прокуратурасининг ДХХ ва ИИБ ходимлари билан ҳамкорликда ўтказилган тезкор тадбирда аниқланган. Унда валюта айирбошлаш билан шуғулланиб келган Б.А. фуқаро Д.Р.дан жами 3 500 АҚШ долларини 43,4 млн сўмга сотиб олган вақтида ашёвий далиллар билан қўлга олинган. 

“Қамашида ўтказилган тезкор тадбирда эса, валюта айирбошлаш билан шуғулланиб келган Т.М., Б.Д. жами 3 000 АҚШ долларини фуқаро И.М.га 37,5 млн сўмга сотган вақтида ушланган”, – дейилади хабарда.

Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.