Новосибирскдаги вақтинча сақлаш муассасадаги ўзбекистонликлар ҳолидан хабар олинди
Ўзбекистон Бош консулхонаси вакиллари Россиянинг Новосибирск шаҳридаги вақтинча сақлаш муассасадаги ўзбекистонлик фуқароларни қўллаб-қувватлаш мақсадида хайрия акцияси ташкил қилди, деб хабар бермоқда “Дунё” АА.
Бош консулхона ходимлари ва ўзбек жамияти фаоллари саъй-ҳаракати билан муассасадаги ҳамюртлар учун 150 кишига ош тайёрланди.
Юртдошлар билан ўтказилган мулоқотлар чоғида, айниқса, уларни Ватанга тезроқ қайтариш юзасидан фикр-мулоҳазалар тингланди.
Вақтинча сақлаш муассасаси раҳбариятининг сўзларига кўра, бу Новосибирскдаги хорижий дипломатик ваколатхоналар орасида илк бор ўтказилаётган ва вақтинчалик сақлаб турилган фуқароларга яхши кайфият улашишга қаратилган ўзига хос тадбирдир.
Улашиш:
Шарҳлар