Қодиров Комил Алламжонов воқеасида чеченларнинг қўли борлиги ҳақидаги хабарга жавоб берди

Чеченистон Республикаси раҳбари Рамзан Қодиров Комил Алламжоновга уюштирилган суиқасдда чеченларнинг қўли борлиги ҳақидаги хабарга муносабат билдирди.

Бир неча ҳафта олдин президент маъмуриятининг собиқ ходими Комил Алламжонов бўлган машинага қарата ўқ узилган эди. Бунда ҳеч ким жабрланмаган ва гумонланувчилар аллақачон ҳибсга олинган.

«Бироқ, натижаларни кутмасдан, мамлакатдаги ғарбпараст ва баъзи мухолифат ОАВлари «чечен изи» ҳақидаги версияни чиқариб ташлашди ва кейин бу изни бутунлай менга етказишди.Meн бу провокацион нарсаларга жавоб бермайман. Қолаверса, Ўзбекистонда муҳтарам Президентимиз Шавкат Миромонович Мирзиёевнинг оқилона сиёсати туфайли барча соҳалар, жумладан, ахборот ва ҳуқуқ-тартибот тизимидаги ишлар аъло даражада. Мен шуни қўшимча қиламанки, агар мен ҳақиқатан ҳам бирор нарсани режалаштирган бўлсам, уни охиригача етказаман ва 100% натижа кўраман», – деди Қодиров.

«Чеченлар ва ўзбеклар тарихий ўтмиши умумий бўлган қардош халқлардир. Бизнинг умумий жиҳатларимиз жуда кўп. Шахсан мен учун Ўзбекистон ўзбек халқини, унинг одоб-ахлоқини севган азиз отам Ахмат-Ходжи ҳаётининг алоҳида ва муҳим қисмидир. Ва мен бу маълумот тўпини маълум учинчи томонлар томонидан сиёсий ўйин қуроли ва мамлакатларимиз ўртасида низо келтириб чиқаришга қаратилган очиқ уриниш сифатида баҳолайман. Ишончим комилки, Ғарб сохталари услубидаги бошқа нашрлар ҳам эргашади. Қандай бўлмасин, мен ва Ўзбекистондаги азиз биродарларим бу провокацион маълумотлар чиқиндиси ортида ким турганини аниқ билиб оламиз. Иш аллақачон олиб борилмоқда», – дейилади хабарда.