Ўқув марказидаги техника буюмлари ўғриланди

Учтепа тумани ИИО ФМБга келиб тушган хабарга кўра, жорий йилнинг май ойида, номаълум шахс ўқув марказининг кириш эшигини бузиб кириб, телефон ва ноутбукни ўғирлаб кетган.

Кўрилган чора-тадбирлар натижасида, ушбу жиноятни содир этишда гумон қилинган 30 ёшли Миржалол К. аниқланиб, қўлга олинган. Мазкур ҳолат юзасидан Жиноят кодексининг 169-моддаси (“Ўғрилик”) билан жиноят иши қўзғатилган. Тергов ишлари давом этмоқда.