Орол денгизининг тубида саҳро ўсимликларини экиш ишлари бошланди

Қорақалпоғистон Республикаси Жўқорғи Кенгеси раиси Аманбай Ўринбоев бошчилигида Қорақалпоғистон Экология, атроф-муҳитни муҳофаза қилиш ва иқлим ўзгариши вазирлиги, Ўрмон хўжалиги агентлиги, Фавқулодда вазиятлар вазирликлари ҳамда экофаол ёшлар бошчилигида Орол денгизининг қуриган тубига чўл ўсимликларини экиш ишларини бошлади.

“Бу йил туз ва қумли шамоллар келиб турадиган энг заиф жойларда яшил майдонлар яратишни режалаштирмоқдамиз. Президент Шавкат Мирзиёев 100 минг гектар майдонда қўриқланадиган ўрмонзорлар барпо этиш вазифасини қўйди. 150-200 минг гектар майдонга дарахт экишни режалаштирганмиз. Давлат раҳбари қум ва чанг бўронлари масаласини шахсан назорат қилади ва ҳозирда мамлакатда бу муаммога қарши самарали кураш олиб борилмоқда”, — дейди Ўрмон хўжалиги Давлат қўмитаси илмий-тадқиқот институти академиги, лойиҳа раҳбари Зиновий Новицкий.

2024 йилда умумий майдони 150-200 минг гектар бўлган ўрмон майдонларини яратиш режалаштирилган. Ўрмон хўжалиги корхоналари томонидан бугунги кунга қадар 192,63 тонна чўл ўсимликлари уруғи, жумладан, 71,96 тонна саксовул, 120,67 тонна шўр ўсимлигининг уруғлари тўпланиб, экишга тайёрланди. Шунингдек, 2,7 минг гектар майдонга чўлга чидамли саксовул, қандим, черкез каби ўсимликларнинг уруғи ва кўчатлари экилмоқда.