Оролни қутқариш халқаро жамғармасига раҳбарлик Қозоғистонга ўтди
Оролни қутқариш халқаро жамғармасига (ОҚХЖ) раислик Қозоғистонга ўтди, энди ушбу давлатнинг раҳбари 2026 йил охиригача ОҚХЖ президентига айланади.
Оролни қутқариш халқаро жамғармасига Қозоғистон, Тожикистон, Туркманистон ва Ўзбекистон киради.
Жамғарма Орол денгизини қутқариш ва минтақадаги экологик вазиятни яхшилаш, умумий ижтимоий ва экологик муаммоларни ҳал этишга қаратилган қўшма давлатлараро экологик, илмий-амалий дастур ва лойиҳаларни амалга ошириш билан шуғулланади.
“Биз Марказий Осиё давлатлари билан ҳам, бошқа халқаро ташкилотлар ва молия институтлари билан ҳам ҳамкорликни чуқурлаштиришга интиламиз. Жорий йилда Жаҳон банки билан ҳамкорликда амалга оширилаётган Шимолий Орол денгизини сақлаб қолиш лойиҳасининг иккинчи босқичини бошлашни режалаштирганмиз. Орол денгизини қутқариш барча ОҚХЖ таъсисчи давлатларининг биргаликдаги саъй-ҳаракатлари орқалигина амалга оширилиши мумкин бўлган вазифадир. Келгуси уч йилда бу йўналишда сезиларли натижаларга эришиш ниятидамиз”, — деди Қозоғистон сув хўжалиги ва ирригация вазири Нуржан Нуржигитов.
If you have found a spelling error, please, notify us by selecting that text and pressing Ctrl+Enter.
Тавсиялар
Бразилияда Х ижтимоий тармоғи деярли бир миллион доллар жаримага тортилди
Бирлашган Миллатлар Ташкилоти Хавфсизлик Кенгаши "Шимолий оқим" ни бузиш масаласини муҳокама қилади
ССВ: Яна бир марказ халқаро стандартларга мувофиқ аккредитациядан ўтди. Бу нима беради
Тадбиркор аёллар энг кўп бўлган 4 та ҳудуд
Мирободда собиқ бош ҳисобчи тадбиркорларнинг 951 млн сўм пулларини қўлга киритгани аниқланди
USD
EUR
RUB
Шарҳлар