Ўзбекистон 55 та давлатга тўқимачилик маҳсулотларини экспорт қилган

Статистика агентлиги маълумотларига кўра, Ўзбекистон 2024 йилнинг январь-май ойларида қиймати қарийб 1,3 млрд АҚШ долларлик тўқимачилик маҳсулотларини экспорт қилган, деб ёзмоқда агентлик матбуот хизмати.

Бу кўрсаткич умумий экспортнинг 11,8 % ини ташкил этиб, ўтган йилнинг мос даврига нисбатан 0,5 % га ошган.

“Экспорт қилинган тўқимачилик маҳсулотлари таркибида тайёр тўқимачилик маҳсулотлари (37,6 %), калава-ип (46,8 %) асосий улушни эгаллаган”, – дейилади хабарда.

2024 йилнинг январь-май ойларида дунёнинг 55 та давлатига тўқимачилик маҳсулотлари экспорт қилинган.