Ўзбекистонда қайси хориж давлати инвестициялари кўпроқ ўзлаштирилмоқда

2024 йилнинг январь-март ойларида Ўзбекистон Республикасида асосий капиталга ўзлаштирилган инвестициялар ҳажми 107,1 трлн сўмни ташкил этган, деб ёзмоқда Статистика агентлиги.

Агентликининг дастлабки маълумотларига кўра, шундан асосий капиталга ўзлаштирилган жами хорижий инвестиция ва кредитлар улуши 68,9 фоизга етган.

Ўзлаштирилган жами хорижий инвестиция ва кредитлар ҳажмида энг юқори улушга эга бўлган инвестор давлатлар:

• Хитой – 23 фоиз
• Россия – 13,8 фоиз
• Туркия – 8,5 фоиз
• Саудия Арабистони – 7,2 фоиз
• БАА – 4,8 фоиз
• Германия – 3,8 фоиз.