Ўзбекистон ҳудуди орқали 2,8 млн тонна транзит юклари ташилган

2024 йилнинг январ-март ойларида Ўзбекистон Республикаси ҳудуди орқали олиб ўтилган (автомобил ва темир йўл транспортларида) транзит юкларнинг ҳажми 2 754,7 минг тоннани ташкил этмоқда. Бу ҳақда Статистика агентлиги маълум қиляпти.

«Улардан 2 218,7 минг тонна юк темир йўл транспорти орқали (жами юк ҳажмига нисбатан 80,5 %), автомобил транспорти орқали эса 536 минг тонна юк ташилган (жамига нисбатан 19,5 %)», – дейилади хабарда.