Ўзбекистонда нефть маҳсулотлари, газ, кўмир ва электр импорти кескин ошди
Ўзбекистонда импорт кетма-кет иккинчи ой пасайиб, 2023 йил июль ойидан бери минимум даражага тушган. Шунга қарамай, январь-апрель оралиғида нефть маҳсулотлари, газ, кўмир, электр энергияси, сабзавот ва мевалар, шунингдек, автомобиллар импорти ошган.
2024 йилнинг январь-апрель ойларида Ўзбекистоннинг ташқи савдо айланмаси 20,87 млрд долларни ташкил этган, бу 2023 йилнинг шу даврига нисбатан 1,16 млрд долларга ёки 5,9 фоизга кўпдир.
«Олтинни ҳисобга олганда экспорт 9 фоизга, яъни 8,49 млрд долларгача, олтинни ҳисобга олмаганда 5,07 млрд долларгача (+7,1 фоиз), импорт эса 12,4 млрд долларгача (+3,9 фоиз) ошган», – дейилади хабарда.
Ташқи савдо тақчиллиги бироз қисқарган ва минус 3,89 млрд долларни ташкил этган, бу 2023 йилги кўрсаткичга нисбатан 238 млн долларга кам.
Мамлакатга энергоресурслар етказиб бериш кескин ошганига қарамай, импорт кетма-кет иккинчи ой пасайган. Апрелда импорт 2,94 млрд долларни, мартда 3,15 млрд долларни, февралда эса 3,2 млрд долларни ташкил этган. Бу ҳам 2023 йилнинг июль ойидан бери энг паст кўрсаткич ҳисобланади (2,99 млрд доллар). Шу билан бирга, бу миқдор 2023 йилнинг апрель ойидаги импортдан (2,82 млрд доллар) юқори.
If you have found a spelling error, please, notify us by selecting that text and pressing Ctrl+Enter.
Тавсиялар
Financial Times Гаутам Аданининг йирик коррупция схемасидаги ролини фош қилди
Тбилисида намойишчилар янги чақириқнинг биринчи мажлиси олдидан парламент олдига чодирлар қурдилар
Вилнюсда ДҲЛ юк самолёти турар-жой биносига қулаб тушди ва ёниб кетди
Буюк Британия ва Ўзбекистон таълим ва иқтисодиёт соҳасидаги ҳамкорликни муҳокама қилди
ИИВ икки нафар юқори лавозимли амалдорни эгаллаб турган лавозимидан озод қилди
USD
EUR
RUB
Шарҳлар