Ўзбекистонда коронавируснинг тарқалганлик даражаси барқарорлашган

Жаҳонда коронавирусдан зарарланган 703,8 миллион бемордан 7,0 миллиондан ортиғи вафот этган, дейди Санитария-эпидемилогик осойишталик ва жамоат саломатлиги қўмитаси раисининг биринчи ўринбосари Нурмат Отабеков  АОКАда ўтказилган брифингда.

2024 йил 1 март ҳолатига кўра Ўзбекистонда касалланиш 261 085 нафарга етган, соғайиш 99,1 фоизни ташкил қилмоқда. 1637 нафар (0,06%) фуқаро эса ушбу касалликдан вафот этган. 

Касалликнинг тарқалганлик даражаси 1,0 ни ташкил этмоқда ЖССТ экспертлари хулосасига кўра бу кўрсаткич 1,0 гача бўлса вазият барқарорлигини англатади.

Хабарга кўра, “қасалликнинг юқтириб олиш манбайи 35-43% ҳолатда касалланган оила аъзоси ёки қариндошлари, 6-7% ҳолатда бемор қўшнилари, 10-12% ҳолатда жамоат жойларидаги мулоқот, 4-5 % ҳолатда иш жойидаги мулоқот эканлиги аниқланган”.

Вирус геномини ўрганиш бўйича ўтказилган сўнги таҳлилларнинг 100 фоизида “омикрон” штамми аниқланган. 

2023 йил давомида қизамиққа қарши жами 1 575 558 нафар болалар миллий эмлаш календарига мувофиқ эмланган. Улардан 879 314 нафари 1 ёшдаги ва 696 244 нафари 6 ёшдаги болалар бўлиб, улар КПК вакцинасини (қизамиқ+эпид.паротит+қизилча инфекцияларига қарши) режа асосида қабул қилган.